Darija
تـجـري بـزاف آ صاحـبي الـسرعـة مالشي مليحة، على بالك السرعةالـمـفرطة مصنفـة العامل الأول في حوادث المرور الخطيرة و المميتة
السرعة تغوي بالصح هي غـرور. كاين سياقة أحسن منها خـصك وقـت طويل بـاش تتعلـمها تـربـح فيها بـزاف. تربح جيبك، عـقـلك، بـصـرك . عـيـنيك آ صـاحبي يضعافو قـبـل الـوقت تـخايل جسمك مـخـلوق بـاش يـقـدر يـتحمل هـذا السـرعـة طـبيعيا يعني
الـتلاميذ تاعي دايـما انـقول لهم كايـن زوج انـواع تـاع سياقة ، كـاين سـياقـة فـريمار و كاين سيـاقة فـنان تـعرف الفنان بـيكاسو؟ مالشي كل الناس تقدر تكون بيكاسو و إلا تكون مـحمد عـبـد الـوهـاب، بيتوفن، الفـنانين بنحـسبو على الأصابع قـلال بـزاف كما الـسياقة قلال لي يتـفـننو فيها. انت حـاسب اللي يـجري هو اللي يـعرف يـسوق هذا مركب نـقص فيك على خـاطر ما قـريتـش، لو كان قـريت تـعـرف. شـوف و تـكلم مع اللي يـستـعـمـلو الـسرعـة الـفائقة أغـلـبهم خـاويين
كل من يـفـريمي خاوي. مـا قـريتـش، و كان قـريت كنت تـعرف بأن السـرعتة الـمـفـرطة تـغـلق مـجال الـرئية، الـسـرعة الـمفرطة تـزيد في سـرعة نبضات الـقلب، مـخك آ صاحـبي ما يقدرش يـسـتـوعب و لا يـسجل صـور الطـبيعة اللي تـفـوت عـليها هذا ينـعكس عـلى بـصرك
كـاين أمـور كثيرة مـا تعرفهاش و كان تـعـرفها تـسـوق عـاقـل
عـلـى بـالـك كي تـكـون تـجـري تـحـسب روحـك تـعـرف تـسوق، راك غـالـط جـرينا قـبلك و مع الـو قت فـهمنا
فـهـمنا بأن كـاين شـروط في الـطبيعة هي اللي تتحكم فالسيارة مالشى السائق، ما تعرفش الفزياء آ صـاحبي
مـا تعرفش الجاذبية، الـقـوة الـمركزية، مـا تـعرفـش بللي كـاين ممرات نتاع الريح تهزك و تـرميك و ين ما بغات هي
سمـوها كـورون دار، هي شـبه مـصاصة تمـص سـيارتك عـنـدما تـلقاها خـفيفة، هي أصلا تـكون خـفيفة بحيث
مـا تـكونش لاسقـة في الأرض، ريح يـمر تـحتها رافـعها عـلي الأرض هي تـكـون غير ماسة الأرض مالشي لاسقة
و هـذا الـريح ديـر في بـالك باللي الـسـرعة نـتاعه تـساوي الـسرعة انـتاع سـيارتك. بـحيث سـيارتـك هي اللي تـنتجه